الرئيسية
click
موظف استقبال ذكي على الواتساب · البحرين

لا يفوتك أي حجز على الواتساب.

موظف استقبال ذكي يرد على عملاءك، يحجز مواعيدهم ويذكّرهم، بالعربي والإنجليزي، في أي ساعة.

كل نشاط يتجهز بطريقته، فنتفق معك على الباقة والسعر أول. راسلنا عشان نبدأ.

جهّزه لنشاطيشوف كيف يشتغل

صالون جلو (تجريبي)

متصل

عرض تجريبي

محادثة تجريبية مكتوبة مسبقاً. مو عميل حقيقي.

شنو يسوي لك

  • يرد في ثواني

    عملاءك يراسلون واتسابك مثل العادة، حتى برسايل صوتية باللهجة الخليجية، ويوصلهم الرد على طول.

  • يحجز بدون تعارض

    يشوف أوقاتك الفاضية الفعلية ويحجز الموعد للخدمة والموظف الصح.

  • يرسل تذكير

    العميل يوصله تذكير قبل الموعد، وأنت يوصلك جدول الصبح وتقرير أسبوعي.

  • يحوّل لك

    إذا الموضوع يحتاج شخص، يحوّل المحادثة لك بدل ما يخمّن.

كيف يشتغل

  1. 1

    قول لنا عن نشاطك

    ارسل خدماتك وأسعارك وموظفينك ودوامك. تاخذ كم دقيقة.

  2. 2

    نجهزه معك

    نربط رقم واتساب الأعمال مالك ونجربه مع بعض. بالعادة يوم أو يومين.

  3. 3

    ويشتغل بروحه

    العملاء يحجزون بالمحادثة. تتابعه من لوحة التحكم، توقفه أي وقت، وتشوف كل التكاليف.

أتمتة ثانية

كل الأتمتة

بدون أرقام وهمية

إحنا جداد. ما راح تلقى هني تقييمات أو شعارات أو أرقام مفبركة. لين يشاركنا عملاء حقيقيين نتايجهم، بنعرضها.

أسئلة

كم ياخذ التجهيز؟

بالعادة يوم أو يومين بعد ما ترسل لنا خدماتك وأسعارك ودوامك. نجربه معك قبل لا يشتغل.

وإذا الذكاء الاصطناعي ما عرف يجاوب؟

يحوّل المحادثة لك. ما يخمّن في شي ما انقال له.

شنو يعني أتمتة؟

موظف ذكي جاهز لشغلة وحدة، مثل الرد على الواتساب وحجز المواعيد. نجهزه لنشاطك، نربط حساباتك، ونخليه شغّال.

لازم أعرف أمور تقنية؟

لا. تجاوب على كم سؤال عن نشاطك، ونجهز كل شي معك.

أي لغات؟

العربي (ومنها اللهجة الخليجية والرسايل الصوتية حيث متوفر) والإنجليزي.

في تكاليف إضافية؟

رسايل الواتساب والذكاء الاصطناعي لها تكلفة حقيقية لكل رسالة. الباقات فيها مبلغ شهري داخل، ولوحة التحكم توريك الاستخدام عشان ما توصلك فاتورة مفاجئة.

أقدر ألغي؟

إي، أي وقت، بضغطة وحدة وتأكيد واحد.

ابدأ بموظف الاستقبال على الواتساب

شغّال الحين بشكل تجريبي للصالونات والعيادات والخدمات في البحرين.

كليك. ويشتغل بروحه.

جهّزه لنشاطي